میں کیسے کہہ دوں مجھے چھوڑ دیا ہے اُس نے

کُو بکُو پھیل گئی بات شناسائی کی
اُس نے خوشبو کی طرح میری پزیرائی کی

اُس نے جلتی ہوئی پیشانی پر جب لب رکھے
روح تک آ گئی تاثیر مسیحائی کی

میں کیسے کہہ دوں مجھے چھوڑ دیا ہے اُس نے
بات تو سچ ہے مگر بات ہے رسوائی کی

میری چُپ نے اُسے رُلا دیا

جسے اپنے فردا کی فکر تھی وہ جو میرا واقف حال تھا
وہ جس کی صبح عروج تھی وہی میرا زوال تھا

میرا درد کیسے وہ جانتا میری بات کیسے وہ مانتا
وہ خود فنا کے سفر میں تھا اُسے روکنا محال تھا

وہ صدیوں بعد ملا بھی تو میرے لب پہ کوئی گلہ نہ تھا
میری چُپ نے اُسے رُلا دیا جسے گفتگو میں کمال تھا